Lakror me spinaq me kulaçka

Receta

500 gr spinaq
2 gota qumësht
1 lugë gjelle miell
pak djathë të bardhë
vaj ulliri, kripë
Pasi e kemi larë spinaqin, e grijmë dhe e shtypim me duar
E vendosim në zjarr me vaj ulliri, shtojmë qumështin me miellin, djathin e thërrmuar, e lemë të ajkoset pak dhe e heqim nga zjarri.

Për brumin
2-3 gota uji miell
1 filxhan kafe vaj misri
1 vezë
pak kripë
ujë të vakët
Zem brumin, dhe e lëmë të pushojë pak minuta.
E ndajmë brumin në dy pjesë dhe formojmë topa të vegjël, duke ndarë 7-8 copë për petën e poshtëme, dhe 5-6 copë për petën e sipërme.
Fillojmë i hapim kulaçkat sa pëllëmba e dorës, dhe i vendosim mbi njëra-tjetrën, duke ju hedhur niseshte (sepse vajin e ka brumi) pastaj i tërhollim së bashku një petë. Po kështu, veprojmë dhe me petën tjetër.
E vendosim petën në tepsi, hedhim gjellën në mes, dhe vendosim petën tjetër sipër
E pjekim në 200 grd, ju bëftë mirë!